രണ്ട് യജമാനൻമാരെ സേവിക്കാൻ കഴിയില്ല: മാർപാപ്പ 


Sunday Shalom, 21 June 2013

നിങ്ങൾ രണ്ട് യജമാനൻമാരെ സേവിക്കുന്നവരാകരുത്. ഒന്നുകിൽ ദൈവത്തെ അല്ലെങ്കിൽ  ലോകത്തിന്റെ ആത്മാവിനെ. രണ്ടും തമ്മിൽ കൂട്ടികുഴയ്ക്കാൻ ശ്രമിക്കരുത്.
സെന്റ് മാർത്താ ദേവാലയത്തിലെ ശുശ്രൂയ്ക്കിടയിൽ പ്രസംഗിക്കുകയായിരുന്നു മാർപാപ്പ. കുറച്ച് ദൈവാത്മാവും കുറച്ച് ലോകത്തിന്‍റെ ആത്മാവും, അത് നല്ല പ്രവണതയല്ലെന്നും മാർപാപ്പ ഓർമ്മിപ്പിച്ചു.

ദൈവാത്മാവിൽ ജീവിക്കുന്നവർക്ക് മാത്രമെ നിത്യസൗഭാഗ്യം ലഭിക്കുകയുള്ളു, അല്ലാത്തവർ ഈ ലോകത്തിന്റെ ആത്മാവിനോട് ചേരും. ക്രിസ്തു വിശ്വാസത്തിൽ പുതുതായി ചേർക്കപ്പെട്ടവർ നിറഞ്ഞ വിശ്വാസത്തിൽ ജിവിക്കുന്നവരാണെന്ന് മാർപാപ്പ അഭിപ്രായപ്പെട്ടു.

ക്രിസ്തു അവരുടെ ജീവിതത്തിന്‍റെ ഭാഗമായതുകൊണ്ടാണ് അവർ ക്രിസ്തു വിശ്വാസം സ്വീകരിച്ചത്. നിയമങ്ങളെ പറ്റിയും അവ തരുന്ന സമാധാനത്തെപ്പറ്റിയും തിരിച്ചറിയണമെങ്കിൽ  ദൈവത്തോടോപ്പം ചേർന്നിരിക്കണം. ലോകത്തിലെ പ്രശ്‌നങ്ങളിൽ നിന്നും ലഭിക്കുന്ന മുക്തിയാണ് രക്ഷയെന്ന് തെറ്റിദ്ധരിച്ചിരിക്കുന്നവർ ഏറെയാണ്. എന്നാൽ യഥാർത്ഥ രക്ഷ നൽകുന്നവൻ ദൈവമാണ്.

എല്ലാവരിലേക്കും പരിശുദ്ധാത്മാവിന്‍റെ ആവാസം ഉണ്ടാകുന്നതിന് വേണ്ടി മാർപാപ്പ പ്രത്യേക പ്രാർത്ഥന നടത്തി. അനേകം വൈദികരും അൽമായരും സെന്റ് മാർത്തയിലെ ശുശ്രൂഷകളിൽ പങ്കെടുക്കാൻ എത്തിയിരുന്നു.