കൈക്കൂലി വാങ്ങുന്നവർ സഭയെ നശിപ്പിക്കും 
മാർപാപ്പ


Sunday Shalom, 14 June 2013

റോം: കൈക്കൂലി വാങ്ങുന്ന ക്രിസ്ത്യാനികൾ സഭയെ തകർക്കുമെന്ന് മാർപാപ്പ.  സഭയിൽ  മൂന്ന് തരത്തിലുള്ള ആളുകളാണ് ഉള്ളത്. പാപികൾ, കൈക്കൂലി വാങ്ങുന്നവർ, വിശുദ്ധർ. മുന്തിരിത്തോട്ടത്തിന് പുറത്താക്കിയ ഭൃത്യന്മാരുടെ ഉപമ ഉദ്ധരിച്ചുകൊണ്ടാണ് കൈക്കൂലിക്കാരെപറ്റി മാർപാപ്പ പറഞ്ഞത്. കൈക്കൂലി വാങ്ങുന്നവർ ദൈവരാജ്യത്തിനെതിരെ പ്രവർത്തിക്കുക മാത്രമല്ല, ദൈവവും മനുഷ്യനും തമ്മിലുള്ള ബന്ധത്തിൽ നിന്നും പരസ്പരം അകലുകയും എല്ലാവരെയും മുറിപ്പെടുത്തുകയും ചെയ്യുമെന്നും മാർപാപ്പ ഓർമ്മിപ്പിച്ചു. നമ്മുടെ സമൂഹത്തിലെ ഏറ്റവും വലിയ പ്രശ്‌നമാണ് കൈക്കൂലി. കൈക്കൂലി വാങ്ങുമ്പോൾ ജോലി ചെയ്യുന്ന സ്ഥാപനത്തേയും അത് ആരിൽ നിന്നും വാങ്ങുന്നവോ അവരെയും ചതിക്കുകയാണ് ചെയ്യുന്നത്. ഒരു ക്രിസ്ത്യാനിക്ക് ചേർന്ന പ്രവൃത്തിയല്ല ഇതെന്നും മാർപാപ്പ പറഞ്ഞു.