11 Dec 2013
(11 Dec 11:08 a.m.) ന്യൂഡല്‍ഹി• സ്വവര്‍ഗാനുരാഗം കുറ്റകരമെന്നു സുപ്രീംകോടതി വിധി. നിയമവിരുദ്ധമലെ്ലന്ന 2009ലെ ഡല്‍ഹി ഹൈക്കോടതി വിധി തള്ളിക്കൊണ്ടാണു സുപ്രീംകോടതി വിധി. ഡല്‍ഹി ഹൈക്കോടതി ഉത്തരവ് ചോദ്യം ചെയ്ത് സമര്‍പ്പിക്കപ്പെട്ട 16 ഹര്‍ജികളിലാണ് സുപ്രീം കോടതി വിധി പ്രസ്താവിച്ചത്. വാദം പൂര്‍ത്തിയായി ഒരു വര്‍ഷവും ഒന്‍പതു മാസവും കഴിഞ്ഞാണു വിധി വന്നത്.പ്രകൃതിവിരുദ്ധ ലൈംഗികത കുറ്റമാണെന്നു വ്യക്തമാക്കുന്ന ഇന്ത്യന്‍ ശിക്ഷാ നിയമത്തിലെ 377-ാം വകുപ്പ് ഭരണഘടനാ വിരുദ്ധമാണെന്നു ചൂണ്ടിക്കാട്ടിയായിരുന്നു ഡല്‍ഹി ഹൈക്കോടതി സ്വവര്‍ഗാനുരാഗം നിയമവിധയേമാക്കിയത്. എന്നാല്‍ ഇൗ വകുപ്പ് പ്രകാരം സ്വവര്‍ഗാനുകാരം കുറ്റകരം തന്നെയാണെന്നു സുപ്രീംകോടതി വ്യക്തമാക്കി.സ്വവര്‍ഗാനുരാഗം കുറ്റകരമാണെന്ന് ആദ്യം നിലപാടെടുത്ത കേന്ദ്ര സര്‍ക്കാര്‍ പിന്നീട് നിലപാട് മാറ്റിയിരുന്നു. സ്വര്‍ഗാനുരാഗം നിയമ വിധയേമാക്കണമെന്നാവശ്യപ്പെട്ട് രാജ്യത്തെ സ്വവര്‍ഗാനുരാഗികള്‍ 2001 മുതല്‍ തുടരുന്ന നിയമ പോരാട്ടങ്ങള്‍ക്കാണു സുപ്രീംകോടതി വിധിയോടെ അവസാനമാകുന്നത്.
No comments:
Post a Comment